السلام عليكم ورحمة الله وبركاته،
مرة نضت الصبح فنص شهر 11 اللي فات
فتحت تلفوني ولقيت رسالة وفيها :
فتحت تلفوني ولقيت رسالة وفيها :
أنا بنت وعمري 23 سنة وحابه انتعرف على شاب حلو .. ممكن؟؟
الله يربح هالبنت قعدت نضحك وخلاص.
مشيت للجامعة، وهي ترن وتفصل ، ترن وتفصل .....الخ
بعد ما طلعت من المعمل ،
عقدتني، بعثتلها مسج ونا فايرة
وكتبتلها :
با بنت الناس عيب اللي اديري فيه
خلي فيه أشوي احترام لنفسك، "وكلام كيف هكي".
خلي فيه أشوي احترام لنفسك، "وكلام كيف هكي".
اشوي ردت عليا وقالتلي :
باهي نا متأسفة اني وصلت لرقمك
ومعليش واعتبر انك ما قريت الرسائل ابداً
ومعليش واعتبر انك ما قريت الرسائل ابداً
كبرت عقلي شوي،
وقلتلها اولا نا بنت ،
بس حكمي عقلك فأمور كيف هذين،
وانتي هكي اتبيعي في نفسك
ردت عليا:
اصلا نا قصدي شريف !!!
عقدتني ، قال قصدي شريف ؟؟؟
قلتلها :
ياهمي كان قصدك شريف ليش انتي اللي ادوري ،
خلي اللي يبيك ايجيك ليش تفتحي فالنوافذ على نفسك؟؟؟
قالتلي :
أصلاً نا موش أي حد اندير معاه علاقة ؟؟
أصلاً نا موش أي حد اندير معاه علاقة ؟؟
لا ردها كاان مقنع على سؤالي؟؟
وبجد عقدتني
المهم تمت تحكي معاي بالمسجات
وقالتلي
انها من درنة
وتقرا في طبرق في كلية القانون؟
وتقرا في طبرق في كلية القانون؟
يا محاسن الصدف
(أول كذبة)
سألتني ،،، شنو أسمك؟؟ ووين تقري!!
قلتلها وين نقرا / بس الاسم لا
قالتلي ليش ما تبيش اتقوليلي اسمك
قلتلها خليه -مؤجل- لحد انتلاقوا،
بعدين قالتلي:
انها تروح على حوش اختها في شارع فلسطين؟؟
وقالتلي حنزورك في الجامعة.
وفي يوم نا كنت في المعمل وما كنش في تغطية،
لما طلعت لقيت منها مسج
قالتلي فيه : انتي وين انا في الجامعة..
اتصلت بيها ما ردتش؟
بعثتلها مسج..
ردت عليا: وقالت:
لا نا وصلت للحوش توا نرن عليك من بدري
ونلقى فيك خارج التغطية
لا نا وصلت للحوش توا نرن عليك من بدري
ونلقى فيك خارج التغطية
شفت الوقت اللي مبعوثه منه الرسالة,
ووقت وصلوها لحوش اختها
ووقت وصلوها لحوش اختها
شكيت في الوقت،
لان شارع فلسطين بعيد،
وغير هكي الجامعة بعيدة
وموش حتوصل في الوقت القياسي هذا.
وموش حتوصل في الوقت القياسي هذا.
(ثاني كذبة)
بعد فترة سألتها على وصف مكان
وقلتلها اسألي اختك كان تعرفه.
وقلتلها اسألي اختك كان تعرفه.
شوي قالتلي :
اختي لها 4 شهور متزوجة وما تعرفش الاماكن هنا.
اختي لها 4 شهور متزوجة وما تعرفش الاماكن هنا.
في شك زاااد
يعني معقولة اختها مالهاش شي متزوجة
وتجي اتروح عليها بكل ثقالة دم.
بعدين قلتلها :
نوصفلك وين حوشنا
وتشرفينا عشان نتعرف عليك
وتشرفينا عشان نتعرف عليك
قالتلي ما عنديش صلاحيات نطلع براحتي،
متأسفة.
متأسفة.
بعدين سألتني سؤال غريب وكررت فيه،
معش رديت عليها..
معش رديت عليها..
قعدت تمسجلي وتقولي انتي كنك شكلك موش متريحتلي، .....الخ
بعدين قالتلي : بصراحة شامة ريحة كذب وحاستك شااب
اتصلت بيها خليها تسمعني عشان تقتنع ...NO ANSWER
كنت نبي نقوللها
مش هذا طلبك أني نكون شاب ولطيف :) LOL
آخر شي كنسلتها ع الاخير .....
وسكنتلي وهي ترن بعدين شكلها أيست
.
.
بعدين فجاة يوم
24- 2- 2010.
بعثتلي مسج
وبعدين مسج ثاني،
: أنا شاب وحابب اتعرف على بنوتة حلوه
أرجوا الرد .... {مقدمة من الرسام}
أرجوا الرد .... {مقدمة من الرسام}
بعثتله تهديد،
يا أما يلتزم حدوده يا نعرف كيف نصرف معاه..
يا أما يلتزم حدوده يا نعرف كيف نصرف معاه..
ههههههههههههههههههه
قوية ع الابيض.
بس شكله خاف مسكين
لكن حيرني ايش يقصد { مقدمة من الرسام}
عموماً
فئات زي المتطفل هذا
أيش يستحق ؟؟؟
امممممم
ردحذفتبي الحق يا زنوبيا اعطيتيها وقت متستاهلاش والقصة ملعوبة ومكشوفة الباين ان الاخ اما يعرفك واما مقلب من شخص يعرفك ونهاية القصة واضحة
المهم ردي بالك على نفسك ومعاش تردى على حد متعرفيهش او متعطيش مجال لاى نقاش يكون غالط غالط بدون اضافات
ربي يحفظك غاليتي ويسلمك من مقالب البشر
اسلام عليكم نسيم
ردحذفمعاك الحق ، تقدري تقولي درس وخذيتا لاني على طول ما نصدق في الناس ،
كانت اختي تقولي هذا شاب، وعبيط اخرى، بس قعدنا مع الكذاب لحد الباب. وأهو تفكينا منه.
والشكر ليك وربي ما يكتب الا الخير
السلام عليكم ...
ردحذفكان من الافضل تجاهل كل الرسائل و عدم الاكتراث لها بالكامل ...
حدث معي موقف مشابه مرة ...
كنت منغمسا في عملي على الكمبيوتر فرن الهاتف ...
الو مرحبا .
اهلا اخي معليش الرقم هذا اتصل بي ؟ تفضل
قلت لها لم اتصل و لا اعرف الرقم ولكن ربما يكون احد من اهلي قد فعل ان كنتي ربما تعرفين احدهم
فقالت و الله انا منزعجة و كثيرين يوزعون رقمي و انا وانا
فقلت لها على العموم انا متاسف ان كان رقمي قد اتصل بك و ساسال الاهل على ذلك
شكرا مع السلامة
شكرا مع السلامة
بحثت في سجل الهاتف ولم اجد هذا الرقم بتاتا
تركت الهاتف و عدت الى عملي ...
واذا برسالة
تقول فيها
انت شكلك انسان كويس وانا نبي نتعرف عليك
فوضعت الهاتف جانبا ولم اكترث
فرن الهاتف
رددت .. تفضلي اختي لم اجد رقمك في هاتفي ابدا
فقالت معليش انا كذبت لاني لقيت شفرة طايحة فيها رقمك فقلت لها طيب قوليلي من في من اسماء اخى لعلي اعرف صاحب الشفرة ...
فقالت انها مدرسة في مكان كذا و تريد التعرف
فقلت لها مش فاضي و الله
فقالت انت مواليد كم ؟
قلت لها مواليد كذا فقالت كم تعطيني مواليد
قلت لها خمسة دينا ..
فقالت انا انسانة حساسة ولا احب من يتحدث معي هكذا ...
فقلت لها .. باه معليش معاش تكلميني مرة تانية وسكرت التلفون
وكانت تلك النهاية ...
احسست بانني اعطيتها اكثر من اللازم من الوقت ولكن كنت شاكا بان تكون تعرف احدا من الاهل
ولم تتصل ثانية ابدا
فنصيحة .. ان كنتي لا تعرفين المتصل فلا تردي و اتركي حب الفضول جانبا ...
و ربي يهديهم .. و يهدي المجتمع كله بانه يسهل الزواج و تنحل معظم هالمشاكل
شكرا لك
خالص تحياتي
السلام عليكم زنوبيا
ردحذفصار هكي نهاية القصة والله توقعته مقلب من حد يعرفك
حماك الخالق من كل سوء
في كل لحظة
للقاءبيننا
السلام عليكم...
ردحذفيا بنتى موسع بالك ...
ضيعتى جهدك ووقتك وتفكيرك ؟؟؟!!
يالله هذا درس ليك وان شاء الله قدرتى تتعلمى منه
رسالة الى اى شخص او شخصة...
لا تجعل من فضولك هاجسا يحركك الى دون اى اتجاه فتقع فى المحظور وغلطة الشاطر بألف ...
وعليك السلام ورحمة الله وبركاته،
ردحذفهههه معليش فعلا عباطة. وهي قولتها البنات حساسات
بس نا مش فضلولية ، لكن والله صدقت انها بنت؟ مرات نشك هكي، بس نقول لا يمكن بنت صح...قصدي انكان ما اعترف راه نحسابها بنت وفيها حالة.
وياما مشاكل يصيرن ونسمع بيهن على سبة هالموبايلات..
وربي يستر ومازال الخير لاقدام.
وكيف ما قلت ربي يهديهم، ويهدينا اجمعين
سلاموو
وعليك السلام ريموو
ردحذفاه معش تلاقنا عشان نكملك ع النايس ستوري
فالاول تبي شاب لطيف /بعدين بنت حلوه
نتلاقوا الخميس ، امي سمحتلي نمشي ،
سلامات
وعليك السلام مي،
ردحذفحنمشي ع النصيحة ،
ما عليك تميت قدها
يسلمو
اولاً الحمد لله ع السلامه وباهي اللي جت هكي ولا اكبر .
ردحذفلان الشباب والشابات علي السواء اصبحت عندهم مخططات قد تصل في دهائها وتطلها للمستقبل لدهاء الصهيونية .
فكثير من القصص والاساليب لشد انتبها الجنس الآخر ( ذكور - اناث ) .
المفارقه انك تجد صبر المتطفل او المتصنع او مفتعل المقلب وعند إكتشافك للحقيقة تعرف مدي تخطيطه .
ستر الله علينا وعليكم وعلي ولايا المسلمين جميعاً
( المهم ردوا بالك اصدقائي )
ما يربح النعام لا من يطارده
مشكورة زنوبيا علي هذة الاستطرادات
السلام عليكم
ردحذفأرى أن هذه القصة تشبه قصة متطفلة صادفتها يوما ما
في قصتك أجد أنك لم تسمعي صوت الفتاة أو الشاب ، أو لنقل الطرف الآخر .
فهنا لا نعرف إن كان شاب أو فتاة
الهاتف النقال أداة من أدوات العصر
يجب مراعات استخدامها فيما ينفع الناس
لكن ما أراه اليوم من تصرفات لبعض من يستخدمه يجعلني أكره استعماله .
في فترة ما اتصل بي رقم لا أعرفه ، و لأني لا أجيب في الغالب على تلك الأرقام التي لا أعرف مستعمليها لهذا لا أجيب .
استمر الهاتف في الرن فترة من الزمن ، و ذات الرقم يتصل مرارا و تكرارا .
المهم كان بجواري شقيقي الذي أعطيته الهاتف ليرد ، فإن وجد شاب فهم منه ما يريد ، و إن كانت فتاة أعطاني لأتفاهم معها ، فهناك احتمال أن تكون صديقة أضعت رقمها .
الصوت كان صوت أنثى ، فأعطاني الهاتف بسرعة .
أجد المتصلة تقول
( عفوا ، نبي نكل الراجل إلي رد عليا ، ما نبيش نكلم ولايا )
نعم ؟؟؟، ماذا يجري ؟؟؟ ، لم أفهم بأي لهجة تتكلم ، لأنها ليست لهجة منطقتنا ، فسألتها .
( ممكن نعرف من معاي؟؟؟ ، و من تبي ؟؟؟ )
( معاك ولية ، و من الطبيعي نتصل نبي نكلم راجل ، أعطيني الراجل إلى رد عليا توا )
( الراجل إلي رد عليك؟؟؟ ، و من أمتى تعرفيه إلي رد عليك ، و شن تبي فيه ؟؟)
( مش مهم نعرفه من قبل ، نتعرفوا، وين المشكلة؟؟ ، ساعديني و عطيني نكلمه )
( و كان ما عطيتكش تكلميه؟؟؟)
( عادي ، راجلك مش آخر راجل في الدنيا ، فيه هلبا أرقام أخرى عندي ، نتصل لين نحصل راجل سمح يتكلم معاي )
انتهى الاتصال
انتهى الاتصال و بدأت أضحك من الموقف الذي حصل معي .
تريد أن تكلم رجلا ، المهم رجل ، و أي رجل ، المهم أن تحكي مع رجل ، و لا يهم من يكون هذا الرجل .
بقيت أضحك مع أخي على ما جرى
( اللهم تبث علينا و عليهم العقل و الدين )
آسفة أختي على الإطالة في الرد
لي عودة للرفرفة هنا
فقد وجدت ما أعجبني في مدونتك
في أمان الله
سلامي