السلام عليكم ورحمة الله وبركاته
الحمدلله كملت امتحاناتي
ونراجي في النتيجة وبإذن الله خير
؛
في مواقف مضحكة صارن واجد
خصوصا ان اهلي فترة امتحاناتي سافروا خارج البلاد
وانحطت اشوي مسئوليات على راسي
الخبر المضحك
(1)
اختي بشور شهادة السنة وتلخبط نظامها في النوم
ففي مرة نا كنت طالعة للجامعة عندي امتحان
وصديقتي جت تاخذ في امعاها
بشرى وعيت ولقت مسلسل كوميدي كوري الساعة 9 ونص طبعا هذه اعادة الحلقة
لان موعد المسلسل الساعة 4 العصر
فهي وعت تحسابها عصر وشافتني طالعة فتحسابني طالعة عند صدقتي الثانية نقروا مع بعضنا
ناضت توضت نا شفتها ونحسبها موش امصلية الصبح في وقته
وطلعت
لما روحت
ثاريتها توضت وصلت الظهر
ونزلت للكوجينة وطلعت رز من التلاجة وسخناته وكلت وكله نين خلاص
بعدين انتبهت ان الساعة عشرة الا عشرة
فقالت لا اكيد الساعة عطلانة
مشت فوق لقت الساعة فوق عشرة الا عشرة
قالت لا اكيد نا اللي املخبطة
القيتها قريب تبـــكي على غباءها
جت واجعها حالها
قالتلي اللي قهرتني اني نزلت في الرز بكبدي
قلتلها معقولة ما حسيتي بالوقت قالتلي ابداً
قالتي لخبطت شفت المسلسل الكوري قلت واو تأخرت في النوم والعصر قريب يأذن
وشفتك نزلتي نحسابك ماشية لصاحبتك تقري معاها
زوج اختي كان معانا لاني باتي مسافر فقالي استغربت شفت طنجرة بواخ الرز ع الغاز قلت من هذا اللي يبي ياكل توا !!!
عموما النوع هذا من الاكلات هي المفضلة عند الجميع كيف المحشي وعلى قولة خوي ابراك مكشوف وخوذلكم على بشرة اللي كلت رز وخضرة ولحم على الصبح
وتعيش وتاكل مليون مقلب غيرها
:)
=)) so fuNUy
ردحذفمرحبا اختي
ردحذفان شاء الله بالنجاح والتوفق
في انتظتر النتيجة معك
وان شاء بالنجاح والتفوق
عبدالباسط أبوبكر محمد
hhhhhh
ردحذفwallahi nadira akhtk hathi
hhh LOL
tseer fi a7san 3aelat
biltwfeek ya myth
akeed 3arfti na mn
(:
hada number 1
wain bagi mwakif ???
لا معرفتكش انت يا نمبر 1 ؟؟؟
ردحذفههههه